صحبتك ليش كصرت ماطلتها
وانه الدنيه علمودك ماطلتها
صرتلك فرصه سهله وماطلها
خصرتني بسبب بطرانك عليه
ياصاحب لو تشوف شلون كتماي
على عيوني ويسح الدمع كتماي
شما اكل للروح سر الهوه كتماي
تحن وتهيج الساكن عليه
كل مغوم برت علته وناله
وسيعد الي حضه بشخصك وناله
الطارش من سمع نوحي وناله
ترك شغله وبجه رحمه عليه
جمر دمعي على خدودي ترى سال
نكطعت اخبارك حبيبي تراسل
انا نسليت من هجرك ترى سل
وتون الروح وتريد المنيه
بنار الهجر صدك مايعاني
ونشف من كثر دمي ماي عيني
عاني وتريد تشوف كلبي ومايعاني
مد ايدك جهنم تلكه بيه
يارب ينال اعجابكم