دمعة احزاني
على ذكر المواجع والسفر والترحال
طويت اخر ورق عندي في دفتر احزاني
طويتة وانكسر قلبي وصوتي بالمواجع سال
ودريت ان الظلام اللي تحت كف السهر جاني
جلست اجمع مسافاتي واغني للسفر موال
على صفحة من الماضي بها حلمي وعنواني
حبيبي كل ما اشوفك تجي بالذاكرة تختال
نهر من فايض الذكرى يجري من داخل احزاني
تخيل ,,, تخيل يوم عانقني خيالك خاطري وش قال
تخيل قبل اسولفلك نشدني عنك وجداني
نشدني لين خلاني مدينة هزها زلزال
تخيل ماهدى حتى لقاك بوسط شرياني
اروح لسدرة الموعد معاي لموعدك مرسال
واخاف انك تجي قبلي وترحل قبل تلقاني
هنا ,,, هنا كانت ليالينا والمقبلات امال
وهنا كانت مواعيدك مصر تخضر به اخصاني
هنا شفت باقي اثارك على رمل الوعد مازال
وهنا شفت دمعة طاحت من عيونك على شاني
حبيبي ,,, حبيبي لا تنشدني عن اوضاعي وكيف الحال
انا بعدك سحاب ابيض اضم الريح باحضاني
تسافر بي الذكرى واحسب اني وصلت اخر وطن بالبال
واثرني ماوصلت الا بداية درب حرماني
وتبقى سيرة الذكرى قصيدة تكتب الترحال
سوالف للعيون اللي صداها ,, دمعة احزاني ,,