نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليه
سهرت الليل انه اعليك منطر
وعيوني ع الدرب ياهالناس تنطر
شفت وجهك عبالي الفجر منطر
كمت صليت من غصبن عليه
انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كلبك سمعها وحن عليه
جرح البية كافيني وزايــــــد
وأظل للموت أحبك وزايــــد
بمزاد الحب اريد اكعد وزايد
واكول حبك بس اليـــــــــــة
بغرامك تيهت اصلي وجدي
لان ماتعرف مزاحي وجدي
اباب اهلك لريد اكعد واجدي
بلكت ينكسر كلبك عليه