صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه
عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه
بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه
عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
حرت اش اشتري كية لو بيكم
ومدري الصوج بية لو بيكم
والله لو تلعب لعب زيدان وبيكهم
ما اخليك تراوغني وتشمت الناس بية
الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه
سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه
عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه
ازيدك بلجمع وتصير ناقص
افيض عليك نهري ونت ناقص
مثلك بلبشر ماشفت ناقص
بذات ونذل وطباعك رديه
وحگ ام الكرم والطيب حديثه
اريد اكابل المحبوب واسمع حديثه
اريد اعرف قديم اخباره وحديثه
وبلياه الزمن ناعور ودار بيه
طفيلي وادري بيك تموت بالفور
وبس مني التريده يصير بالفور
يهودي ومن تواعد وعد بلفور
توصل للصدك تكلب عليه
لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه
اهمومي ماتعدهه ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه
الأربعاء 6 فبراير - 8:15 من طرف 
