بقلم / احمد الشـمري
************
من كثر الحروب العدنة احنة اليوم
دجلة بچت دم والفرات جف ميه
باعونة العرب وحرفوا التاريخ
أيدهم بأيد اليهود خلوهة سويه
چنـــــه قبل نتعجب لو واحد يموت
وهسة صار الموت عدنة اعلـه الهويه
اليكتل عراقي موشريف ولا عندة ضمير
الجامع گمنه ما نگدر نصلي بيه
وبحسينيّة نطلع احنة ارهابيه
سنه وشيعه أخوان روح بروح
ما تفرقنه لا ايران ولا السعوديه
اصل للغيره صرنه احلـى تمثال
حضارة سومر أشور واحنة البابليه
وعلى أرض الموصل انولد ابراهيم
وبغداد انحمت بجاه النبي والحضره الكاظميه
ولو تروح لكربله وتطلب أمراد
بس تطوف حسين ينطيك الهديه
انهض يا عراق ومزق الرايات
وخلي بس راية علي مرفوعة بأديّـــــة
17 ـ 12 ـ 11
الأربعاء 6 فبراير - 8:15 من طرف 
