واحد يحب وحده و هي هم تحبه و ماكو الجراه للمصارحه

انت عينك على شفتي و اني عيني على الشفايف

اني كل عظامي ترجف انت خايف و اني خايف

شلون هسة منهو يحجي و منهو يبدي بالسوالف

انت لو اني دخيلك مو همت و كليبي تالف

ادري بعيونك تحبني و كلبي لعيونك موالف

بس تعال الي يحجي كلمة بلا خجل و بلا مخاوف

ما خجلت بيوم مرة و بالحجي شايف و عايف

وياما ياما لساني غازل و سكتت ياما مضايف

و هسة اريد احجيلي كلمة مرتبك جسمي ايتراجف

و انت شو هم مثلي ترجف و بالعرك شوهم مثلي طايف

شصار بينة شنو مر علينة و شكثر مرينة بمواقف

ماخجلنة و مارجفنة و ما نبوك العين طارف

جنهة مو كلمة احبك جن جبل بلساني واكف

و ارد اكلك شنهي هية كلمة لو جرم و مخالف

شو احبك حـــــيــــل احبك و كافي عركانين و ندور مناشف

كافي عركانين و ندور مناشف

يسلموووووو
مخلد
عاشت ايدك
تحياتي