اريد اعلن حداد وللعشك ماعود
واريد انساك ونسى البينك وبيني
وشك دفتر غرامك خاطرانة انساك
ودير الوجه عنك من تلاكيني
ماريدك بعد لو انت روحي اتصير
وماريدك لون من الموت تحييني
ملح بعيوني احطن ونسة حتى النوم
اخافن بلمنام طيفك يجيني
اذا شافتك عيني اوفرحت ابملكاك
والله اتبرة منهة وهاي موعيني
وذا صافحك جفي بحجة الخجلان
اكص اثنين ادية ايساري ويميني
وذا كالولي حبك يسري بلشريان
ثق بالله اكطع كل شراييني
وذا صاير شمس انه ابقى دوم بليل
اوماريد الضوه او بلظلمة خليني
تذكر من لكيتك والعطش واليك
اوكتلي امعود اترجاك روييني
عصرت اجفون عيني او وشيليت ادموع
اوشربتك بدية وانت تدريني
اومن مرني العطش صرت انتة جرية ماي
كصدتك معتني اومديت جفيني
وانتة بكل وكاحة اوكل صلافة عين
درت بجفوفي سم اوردت تنهيني
تذب نفطك عليةا وانه بية النار
اوتتحمة اعلى ناري وماتطفيني
اوصرت محبس بديك اوكمت بية اتسوم
ساعة اتبيع بيه وساعة تشريني
اظل خصمك وفضحك حتى من اتموت
على كبرك اخطن بايك اسنيني
ودعت جرحك
تحيااتي