سجل يازمن

سجل يازمن مزبلة التاريخ

كل من باع ارضه برخص للاغراب

...

سجل يازمن ياحيف ابن بغداد

باوربا يترجى يدك على الابواب

...........

سجل يازمن ابن العراق الحيد

يترقص يغني يرتجي الاتعاب

..........

سجل يازمن ترضاها امريكان

بالكوفة سكن وي علي داحي الباب

....

سجل يازمن باعونا بالمازاد

وياهو اليجي يضرب ابني والاغراب

..........

سجل يازمن اني العراقي ذاك

مادنيتي هامي واحني الاركاب

.......

يشهدلي بموصل شارع اسمه الموت

حرابات الامريكي يحربون حراب

......

ماهمني الشبح لاهمني دبابات

ماهمني الهمر نيران بيها لهاب

......

الهمني ..عراقي باعني بدولار

وجاب الكفر يم بيتي يدك الباب

......

شفت جلابنا ياناس مستحيات

لأن كل من ردي كالوا عليه جلاب

........

هنا بغداد تشعل نار مانامت

هنا الانبار فلوجة تسن حراب

.......

هنا واسط هنا الحلة وكل عراق

نجفنا كربلا بصرتنا والسياب

.....

هنا ابكي العروبة يومها جاؤوا

مع الكافر ويغرس بلحمي الانياب

........

هنا صامد ولاذليت نفسي بيوم

الملم ثوبي يسترني الهوى وتراب

.....

هنا بوكا بليلة برد لمونه

نددفا ابعضنا مجردين اثياب

......

هنا سوسة ومسهل بالاكل حطوه

خلونه انتلوى مغلقين ابواب

........

هنا تراب العراق انباع يااسلام

ماينبض عرقكم ماتت الانساب

...........

احنه اهل المبادئ من اجلها نموت

تشهد كربلاء حسين طهر اتراب

.........

تشهد ثورة العشرين والمكوار

ضارينا ضرب لجمان سن حراب

.....

اشهد ياعراق الظلم لابد يوم

ينزاح وترد الارض للاصحاب

.....

سجل يازمن جرح القلب مجروح

وبرغم الجرح نتقدم ومانهاب

......

سجل يازمن في صفحة التاريخ

رغم كل العمالة بينا زاكي انساب

........

وسجل يازمن رغم الالم ننبض

مثل اهل العشك هم نلتقي احباب

.......

وسجل يازمن مامات عشك الكاع

ويظل هذا الوطن لارواحنه محراب

.......

وتظل بغداد شمعة تضوي للدنيا

رغم الظلمة وخيوط الفجر تنساب

.....

وارد ذاك العراقي المالواه الضيم

هنا بموقع حبيبي وجمعانه احباب

وسجل يازمن ...

اخونا * صقـر العراق *

على هل الموضوع الرّائــــــع !

تقديرنـا اللاّمحـدود ..