مخلد العزاوي مشرف سابق
عدد المساهمات : 108 نقاط : 212 تاريخ التسجيل : 13/11/2010
| موضوع: مساجلهـ بالابوذياتـ بينـ : شهد الشمريـ والشاعر ميثاقـ الأحد 19 ديسمبر - 22:14 | |
| شهد ، احبك دوم صدك وانتشيلك وشي ماعندي يمك وانت شي لك اذب الناس كلها وانت شيلك بعيوني واخيطهن بديه
ميثااق / نحبهم جذب كلنا مانبيهم الوكت لمن هداهم ملنا بيهم همه بوسط روحي مانبيهم نكرو والسبب مجهول ليه
شهد / المصايب غفل جتني وماني بيهه وليش احنه التبينه مانبيهه عشرتك ليش خايب مانبيهه واني الماشفت منك بس اذيه
ميثاق / سكني العشك غصبا ماسكنته وتمرد علي شوكي ماسكنته كتله شبيك كلبي ماسكنته خلص عف بعد مايحمل اذيه
شهد / كأن الروح دره وماسكنها الاحبه مالافاها ولا سكنهه يوم جروحي هاجت ماسكنهه لجمها وطش ملح وصار بيه
ميثااق / قسى كلبك بعد ياكلب عصاك ومن كثر الهجر فد نوب عصاك اذا انت جلد بس عوف عصاك واوكف عود من يمر عليه
شهد / ذبت من شوكي ثم اعليك صكيت وصرت مجرم والك عشاك صكيت ابجفك من اجيتك ليش صكيت بابك وقفلت كلبك عليه/
ميثااق / روحي الك يلمحبوب عنت وياما شكثر من فركاك عنت قابل لو اشوفك فقط ع النت وتشوف جروح انت شكثر بيه
شهد / ع الشات عيوني من البواجي عليك عشات وغربان الحزن بروح عشات شمالك ماشفتني اليوم ع الشات بجت امه محمد ثق عليه
ميثاق / كلبي الي جرحته ماله داعي خلص لاتقسى كلش ماله داعي مالي الحق اداعي ماله داعي شداعي وانت تملك كلشي بيه
شهد / صرت شلون عندك مالي داعي مدام الحق اليه مال اداعي الواجب خلي اكلك مال ادعي عليك شما يحل وكت المسيه
ميثاق / حيلي تعب من فركاك قدرك ومامتوقع ومحسوب قدرك عندي عله دون الناس قدرك وقدر بيك وانت غدرت بيه
شهد / شوك العندك انت عندي قاطات ومبرايه محبتك حيل قاطات بيه جروح وصط املاح قطت وبعد كل هذا ماقابل عليه
ميثاق / البدر يشبه جمالك من اطالع بوجوة الناس اشوفك من اطالع من اكتب واقره ومن اطالع تصير انت الدرس وامتحن بيك
شهد / تبعهه الدنيا لو رادت من ترد ورغم كل ضيمهه انتظرك من ترد تدري الغيري على الهاتف من ترد احس طركاعه طاحت بين اديه
ميثااق / قدت باب كلبي من قبلهه وهو زادت همومي من قبلهه الالم والاه والهم من قبلها بسجن حكمت عليه وابعد عليه
شهد / حبل الشوك لفاني وفل بيه واخذ بستاني الك كله وفل بي شم شماردت منه وفل بي اسكنت بي انت غصبأ ماعليه
بالختامـ تقبلوـ تحياتيـ | |
|
Qaseem alsamraee مشرف مميز
عدد المساهمات : 879 نقاط : 1120 تاريخ التسجيل : 22/08/2010
| موضوع: رد: مساجلهـ بالابوذياتـ بينـ : شهد الشمريـ والشاعر ميثاقـ الأحد 19 ديسمبر - 22:56 | |
| عـــــــــاشــــــــــــــت ايدك عيوني مخاـــــــــــــــــلد كلام غاية في الجمال بس انت اروع وأحلى تقبل مروري | |
|
صقر العراق المـديـر العـام
عدد المساهمات : 1178 نقاط : 1856 تاريخ التسجيل : 01/08/2010 الموقع : In her heart
| موضوع: رد: مساجلهـ بالابوذياتـ بينـ : شهد الشمريـ والشاعر ميثاقـ الثلاثاء 28 ديسمبر - 9:40 | |
| | |
|