ذكرتك والجروح اللي من اسبابـك بكـت ذكـراك
............. وبقى نفس السؤال المر عساك انتـي ذكرتينـي
ذكرت الموعد اللي فات ، من عمري علـى طريـاك
............. وذكرت اني نسيـت انسـاك، يـوم انـك نسيتينـي
يراودني الغرام اللي رفض كل الـدروب وجـاك
............. وتكامل بالحضور العـذب ، طيفـك لـو هجرتينـي
الاياغايبـه عـذرك ، خطـاي وغلطتـي اهــواك
............ خطاك اكبر من اعذارك ، وعذرتـك وان جرحتينـي
دخيل الله ، عليـك الله ، وبعـد الله ، دخيـل اشفـاك
............ دخيل الشفـه العليـا مـن السفلـى عثـت فينـي
غزاني رمشـك الفتـان ، وكنـه حارسٍ يرعـاك
........... تثنـا واشـهـر اسيـوفـه ، يـحـذر لاتدانيـنـي
انا ماكان فـي بالـي ، غـرام ولا هـوى شـرواك
........... وكفـرت بمذهـب عيونـك، وحسنـك مايعنيـنـي
ولكـن الغريـب انـي ، هويتـك والعمـر يفـداك
............ وغدا حبك علـى قلبـي ، خطـر للمـوت يدنيني
غديتي هاجس ايامي ، وحلمـي شوفتـك وارضـاك
............ رهنت القلـب لعيونـك ، غرامٍ راسخٍ فينـي
انا اشهد انتي ام الشمس ، وورى حدب الضلوع ادراك
........... ولك صوره على قلبـي ، وتشـرب مـن شرايينـي
تبيـن الصـدق ياحلـوه ؟ تـرى والله لـو القـاك
............ لسوق النفس لعيونك ، ويرخص لـك نظـر عينـي
انشاء الله اعجبتكم حبايبي
الأربعاء 6 فبراير - 8:15 من طرف 
